$${جريح الشوق}$$
الادارة
المشاركات : 33
نقاط : 78
 |  موضوع: كأني في زمن غير الزمن لما اكون وياك  السبت فبراير 12, 2011 7:28 am | |
| كأني في زمن غير الزمن لما اكون وياك b
\\
على كثر الهموم اللي تجيني من هنا وهناك
حبيبي كل هم يهون يوم القاك قدامي
من اول ما نظر عيني يعانق بارق محياك
بشوفك تحتفل حتى الجروح وتسكن آلامي
كأني في زمن غير الزمن لما اكون وياك
وكأن العمر يبدا في لقاك وتشرق ايامي
أحبك..كل شي فيني يحبك..يعشقك ..يهواك
ولا حٍد في الهوى مثلي متيم هايم هيامي
عيوني..مهجتي.روحي..فؤادي..منزلك وحماك
حياتي كلها لجلك غرام وعشق متنامي
بروحي والعمر اشري هناك وبسمتك ورضاك
اموت ولا احتمل دمعه تجرّح خدك السامي
انا صحرا الجفاف اللي تمنت في ظماها ماك
حرام انك مطر عمري وانا في دنيتك ظامي
يجوز انسى معك نفسي ولكن مستحيل انساك
لحبك خافقي يمشي قبل ما تمشي اقدامي
ولكن لو حصل شيٍ لروحي وافرقت دنياك
ومت ولا قدرت اني معاك احقق احلامي
دخيلك بس سامحني..ولا تبكي علي عيناك
وكثّر من دعا الرحمه ..وهذا منك اكرامي
المصدر: منقول
قسم : اذا هاجت قريحتك - شعر - شعراء - قصائد - خواطر | |
|
كاتم السر
المدير العام
المشاركات : 35
نقاط : 65
| | موضوع: رد: كأني في زمن غير الزمن لما اكون وياك الأربعاء أبريل 06, 2011 8:49 pm | |
| يا سلااااااااااااااااااااااااام عليك
دائما مميز في كل ما تقدمه
الله يديم لنا هذا التميز
ولا يحرمنا منك | |
|
